《讀者投稿》
本身我未嫁一家人住緊居屋，但我屋企仲有間買咗嘅公屋，後來我嫁左去同老公住將軍澳，而且有咗小朋友，媽媽就話反正有間吉公屋，你搬來有個照應，而將軍澳就出租。
好啦，點知我將軍澳租客唔租，隊友話不如賣左再貼錢買大啲，反正小朋友大都要一間房，要枱做功課。
咁隊友有四兄弟姊妹，99一直同叔仔住，佢有兩個女、有工人姐姐，但99都要幫下手。好啦上星期話要移民英國，要安置99，叔仔竟然厚面皮提出99可唔可以住我媽間吉左公屋，理由係因為我將軍澳放緊，我地遲早都搬。叔仔話交返租俾我媽，最慘連豬隊友都覺得岩，但我媽唔想咁煩，叫我拒絶。
跟住豬隊友又話遲啲買大小小樓同99住，我又一口拒絕，相見好同住難，大家都明，但佢覺得我好麻煩。佢地一直纒住我媽，要我媽租俾99，我媽一口話佢要賣唔租，豬隊友呆左，轉頭就話我地夾份買，但其實我媽未退休，根本未知將來想點有咩打算。
我叔仔有兩間屋，一間住一個租，女年紀細嗰時就要99幫，雖然有姐姐，但一個幼稚園一個小學都要幫下手，而家女大，就話移民，佢唔留低一間屋俾99住？人地點都幫你湊大兩個女，邊有人一諗就諗大哥嘅外母？我唔明天下咁多屋，點解一定要我媽個間，隊友話想住近啲方便照應，99都73歲，咁都唔一定要我媽嗰間，佢要安置阿媽我明，但唔代表可以為難我媽，做人點解可以咁自私？我而家同豬隊友冷戰，分開訓，佢話我一齊住又唔得，住近啲又唔想，我話佢你咁想一齊住就你同99兩個住，我同仔住就得喇。
＃我的極品四大長老
Search